1ª Carreira Popular Concello de Gondomar 2019

O sábado 27 de abril a Sociedade Atlética Val Miñor coa colaboración e patrocinio do Concello de Gondomar organiza a 1ª Edición da Carreira Popular Concello de Gondomar. As probas comezarán ás 18:30h. Haberá competicións para todas as categorías, desde pitufos ata seniors. Non é necesario estar federados para inscribirse. O período de inscrición remata o 23 de abril ás 20h. A carreira absoluta ten un custo de 5 euros, nas restantes a inscrición é de balde. Os dorsais e chips entregaránse o día anterior á proba na  praza do Concello en horario de 18:00 a 21:00 h., e o mesmo día da proba, ata 30 minutos antes da celebración de cada carreira.
PREMIOS: Outorgaranse trofeos aos tres primeiros de cada categoría tanto feminina como masculina e medallas conmemorativas na categoría de pitufos. Haberá agasallos conmemorativos nas categorías prebenxamíns ata absoluta. Os trofeos non serán acumulativos.

(máis…)


20ª Medio&Maratón Vig-Bay 2019

Este ano o Vig-Bay será máis A TODA COSTA que nunca, xa que celebra o 20º aniversario do Medio Maratón máis famoso (e fermoso) de Galicia. Para esta ocasión propoñen un novo reto, nada menos que un Maratón completo!. Como polo momento non é posible aumentar a distancia entre Vigo e Baiona (con permiso da mecánica cuántica) a solución adoptada para manter a saída e chegada nos mesmos puntos foi duplicar tramos do recorrido. Esperemos que resulte ben e que haxa moitas máis edicións con Maratón.

Máis información e inscricións:


13ª Carreira 10Km O Porriño 2019

O Club Atletismo Porriño e o Concello de O Porriño organizan o domingo 17 de marzo a partir das 10h a 13ª edición da Carreira 10 Km. Haberá diferentes categorías e distancias, desde 100 a 2000m para os menores ata 5 e 10km para os maiores. A inscrición remata o 12 de marzo e deberá facerse a través da páxina ChampionChipNorte. Máis información:


Resultados fin de semana 2-3 marzo 2019

Este fin de semana houbo Campionato de Galicia Sub16 en Ourense e a Carreira do Entroido en Vigo. Na primeira os atletas do club tiveron unha boa actuación (con dúas medallas de prata) e na segunda destacar os resultados na carreira de 5km, con 5 atletas do club entre os 11 primeiros (ouro incluído). Parabéns para todos!

(máis…)


5ª Carreira do Entroido Concello de Vigo 2019

O sábado 2 de marzo o Concello de Vigo organiza a 5ª Carreira do Entroido a partir das 10h. Poderán acudir as categorías desde pequerrechos (2015) ata cadetes (2004). Para os maiores (<2004) haberá dúas opcións de 5 e 10km, con saída ás 11h. A inscrición é gratuita e pode facerse na páxina de Sportmaniacs. Anímase a todos os participantes a ir disfrazados! Máis información:

(3-mar) Na carreira de 5km houbo 5 atletas do club entre os 11 primeiros clasificados (incluído o ouro). Parabéns para eles!

(máis…)


Resultados fin de semana do 16-17 febreiro 2019

Este fin de semana tamén houbo moita actividade deportiva, catro competicións entre sábado e domingo. Os atletas do club fixérono moi ben e houbo moitas subidas ó podio (incluso os maiores!). Parabéns para todos e aí van os resultados:

(máis…)


9º Cros Colexio Monterrey – Vigo 2019

O domingo 17 de febreiro o Colexio Monterrey de Vigo organiza o seu 9º Cros Escolar. Tamén haberá categoría de pais, animádevos a participar! Máis información:

(máis…)


Carreira solidaria “Vigo non é de plástico” 2019

O Colexio Calasancias de Vigo organiza o vindeiro domigo 3 de febreiro a primeira edición da Carreira Solidaria “Vigo non é de plástico”. Trátase dun evento non competitivo e non haberá cronometraxe. A inscrición pode realizarse na páxina web do colexio ata o martes 29 de xaneiro. Haberá tres modalidades e distancias: 2km para maiores de 12 anos (saída da Porta do Sol as 10:30h), 1km entre 7 e 12 anos (saída de Santiago de Vigo ás 11:15h) e 150m para menores de 7 anos con saída do Parque María Xosé Queizán ás 12h. Os asistentes poderán entregar leite e tapóns de plástico para reciclar, que se destinarán a causas solidarias. Máis información:


Resultados 29-30 decembro 2018

Este último fin de semana de 2018 houbo competicións en Ourense e Braga e en Nigrán a San Silvestre Solidaria (non competitiva). Esta é a información:

(máis…)


San Silvestre Solidaria Nigrán 2018

O domingo 30 de decembro Nigrán celebra a San Silvestre Solidaria cunha proba de 6 km que sairá ás 19:00 horas do Pavillón Municipal de Panxón e chegada ó mesmo punto, recorrendo Praia América e Monte Lourido. Nesta proba a clasificación non se mide co cronómetro senón cunha báscula, para ver quén aporta a maior cantidade de alimentos non perecedoiros para o Banco de Alimentos Municipal. A inscrición e entrega de alimentos é o mesmo día da proba (mínimo 1 kg). Ó rematar a proba haberá unha gran festa no Pavillón con chocolatada e actuación a cargo da Argonat Band. Animádevos, é por unha boa causa e tamén serve para reducir os efectos da inxesta masiva de crustáceos, moluscos e cefalópodos propia destas datas. Máis información:

NOTA: segundo comentan fontes ben informadas (=Juan) hai que ir de verde!

(máis…)