Pedimos novamente a vosa colaboración para o avituallamento nesta carreira na que tradicionalmente participa o club e que nos axuda a financiar as actividades dos rapaces o resto do ano.
Nesta carreira ocupámonos de dar esponxas e auga aos corredores en sete puntos do percorrido. Necesitamos sobre 140 persoas (os nenos son benvidos a participar) polo que vos pedimos a vosa máxima colaboración. O longo da próxima semana iremos chamando a cada socio pero se algún quere anotarse xa, pode avisar polos grupos de mensaxes ou por correo electrónico no enderezo do club savalminor@hotmail.com.

Moitas grazas a todos,

A Directiva da S.A. Val Miñor

Hoxe 2 de marzo comenzan os actos da Festa da Arribada 2018. Este ano o tempo non acompaña moito, inda que o domingo pola mañá é probable que non chova e se poida aproveitar para desfrutar das actividades e tomar algo por alí, especialmente no noso posto. Estaremos na Praza de Santa Liberata (ó lado da Colexiata), avisade a amigos, familiares e todos os vosos contactos!

Esperamos que coa colaboración de todos a festa sexa igualmente un éxito. A continuación vai a información, co programa de actividades, plano, transportes (hai autobuses gratuitos cada media hora desde Porto do Molle en Nigrán donde se pode deixar o coche).

NOTA 3-marzo: os servizos de barcos desde Panxón, Vigo e Cangas canceláronse hoxe totalmente debido ó mal tempo.

• Páxina do Concello de Baiona con información sobre a Arribada
• Programa de actividades
• Servizo de autobuses (desde Porto do Molle cada media hora a partir das 11h)
• Servizo marítimo Naviera Mar de Ons (ANULADO)

Fotos do posto e parte do menú (100% caseiro)

PRECISAMOS A COLABORACIÓN DE TODOS PARA A FESTA DA ARRIBADA, ANOTÁDEVOS CANTO ANTES PARA ORGANIZALO CON TEMPO. GRAZAS E ANIMÁDEVOS A PARTICIPAR!

Convocamos unha reunión o vindeiro venres 16 de febreiro ás 18:30h no local do club (planta superior do CDL en Gondomar) para a coordenación da Arribada deste ano e explicar a organización deste evento ós novos socios. Procurade asistir e os que non poidades poñédevos en contacto coas coordenadoras o antes posible para organizar turnos. Grazas a todos!

A Directiva da S. A. Val Miñor

FESTA DA ARRIBADA EN BAIONA: 3 E 4 DE MARZO DE 2018

A Sociedad Atletica Val Miñor vai poñer un posto, igual que todos estes últimos anos, con comidas e bebidas para recaudar fondos na festa da Arribada os dias 3 e 4 de marzo en Baiona. Estaremos na zona da Capela de Santa Liberata.

Como sabedes para poder facerlle frente aos gastos do Club este evento é fundamental.

Pedimos como sempre a colaboración de todos:

• Por un lado a doazón de algún alimento típico desta festa que poñemos a venta, tal como empanadas, doces caseiros, especialmente de chocolate, leite frito, rosquillas, etc. (no posto elabóranse callos, tortilla, bocadillos varios, filloas, etc )
• E por outro lado facemos 4 turnos para atender o posto, sábado mediodía e tarde, e domingo mediodia e tarde.
• Elaboraremos unha axenda polo que necesitamos que nos indiquedes que día poderiades achegalos ata o posto e qué produto, para telo todo organizado.
• A entrega dos produtos sería o sabado día 3 e domingo día 4 antes das 10:00 da mañá no posto da Sociedade Atlética Val Miñor.
• Para as empanadas existe a posibilidade de encargalas na Panadería Yahoma (Sabarís) e que eles nolas sirvan no posto. Iso si… as familias fanse cargo do custe da empanada.

Para a coordinación de todo isto este ano se encargan as compañeiras da directiva Belén e Trini, ás que vos agradecemos lles indiquedes a vosa disponibilidade para algún dos catro turnos e si queredes achegar algunha doazón. Podedes contactar con elas a través dos grupos de mensaxes de whatsapp, donde tamén están os seus teléfonos (non se poñen aquí por motivos de privacidade).

Por último agradecer anticipadamente a vosa visita e que deades a maior difusión posible entre familiares e amigos.

Gracias,

SOCIEDADE ATLÉTICA VALMIÑOR