Category: ‘Resultados’

4º Trofeo de Atletismo Mazí en Vilagarcía 2019

30 Xaneiro, 2019 Posted by javier

A Agrupación Atlética Mazí de Vilagarcía de Arousa organiza o día 9 de febreiro o 4º Trofeo de Atletismo en Pista. As probas comezarán ás 9:45h. Para categorías menores. Máis información:

Resultados 26-27 xaneiro 2019

27 Xaneiro, 2019 Posted by javier

Este fin de semana temos o sábado 26 o Control de Marcas en Pista ó Aire Libre en A Pobra e o domingo 27 o Campionato de Galicia de Campo a Través Sub16-18 en A Rúa (Ourense). Parabéns para todos, especialmente para os que fixeron a longa viaxe ata A Rúa. Tamén varios atletas do club atrevéronse coa 13ª Subida ao Castro en Vigo. Aí van os resultados:

Control de Marcas en Pista ao Aire Libre – A Pobra do Caramiñal 2019

19 Xaneiro, 2019 Posted by javier

O sábado 26 de xaneiro celébrase un Control de Marcas na Pista de Atletismo do Cabío (A Pobra do Caramiñal, A Coruña). Organizado pola Asociación de Atletismo do Barbanza. Para categorías Sub10 ata Sub16 (tamén hai categoría absoluta). Máis información:

(máis…)

Campionato de Galicia Sub18 e Sub16 de Campo a Través Individual e Clubs – A Rúa 2019

17 Xaneiro, 2019 Posted by javier

O vindeiro 27 de xaneiro o circuíto do Aguillón de A Rúa (Ourense) acollerá un conxunto de probas integrado polo 23º Memorial Alejandro Lorenzo, 47º Campionato de Galicia Sub18 H, 39º Sub18 M e 14º Sub16 de Campo a Través Individual e de Clubs. Será en horario de mañá, polo que os atletas interesados en asistir deberán ter en conta o tempo de desprazamento necesario (aprox. 2h30). Máis información:

 

 

34º Campionato de Galicia Absoluto e Sub23 en Pista Cuberta – Ourense 2019

17 Xaneiro, 2019 Posted by javier

O vindeiro domingo 20 de xaneiro celébrase na Pista Cuberta de Ourense o Campionato de Galicia Absoluto e Sub23. Máis información:

 

Resultados semana 11-13 xaneiro 2019

13 Xaneiro, 2019 Posted by javier

Esta segunda semana de 2019 estivo chea de acontecementos: despóis da chegada dos Reis Magos, volta ás clases para os estudantes e un fin de semana denso en competicións. O venres 11 (e sábado) foi a primeira cita en Portugal para os maiores no Campeonato Absoluto do Norte en Pista Cuberta en Braga.

O sábado 12 foi o Control de Marcas en Pista Cuberta en Ourense, no que destacamos a Gabriela (1ª en 50m-benf), Bruno (4º en 60m-infm), Patricia e María (1ª e 3ª en 60m-inff) e Manuela (1ª en altura), sen esquecer a tódolos demáis participantes. Mencionar que Gabriela ese mesmo día foi 2ª en 500m no Control de Marcas en Riazor (A Coruña).

O domingo 13 hai doble cita: en Braga (Provas Extra, para os maiores) e sobre todo o Cros Escolar do Val Miñor en Ladeira (Baiona). Neste último houbo unha gran presencia do club en tódalas categorías, con podios de Sergio en Sub16, David, Irene e Nerea en Sub14, Isis en Sub12, Bisrat e Gabriela en Sub10. Parabéns para todos! (No enlace da competición hai máis noticias e álbumes de fotos).

Resumo de resultados:

 

Control de Marcas en Pista Cuberta – Ourense 2019

10 Xaneiro, 2019 Posted by javier

O sábado 12 de xaneiro dispútase na Pista Cuberta de Ourense un Control de Marcas organizado polos clubes O Pino, Millaraio, A Silva, Negreira e Deza. Terán preferencia os atletas dos clubes organizadores e piden marca mínima. Será a partir das 16h e poden participar as categorías Sub10 e superiores.

(13-xan) Xa están os resultados, destacar a Gabriela (1ª en 50m-benf), Bruno (4º en 60m-infm), Patricia e María (1ª e 3ª en 60m-inff) e Manuela (1ª en altura), sen esquecer a tódolos demáis participantes. Parabéns!

Máis información:

Resultados Torneo Reis Pontevedra 2019

6 Xaneiro, 2019 Posted by javier

Esta primeira semana de 2019 tivemos competición o sábado en Pontevedra, estaba previsto acudir tamén o venres ó Trofeo de Nadal de Ourense pero debido ó elevado número de solicitudes limitóuse ós clubes organizadores. En Pontevedra houbo participación de atletas do club nas probas de 60-fem (Marina, Noa, Nadia, Antía, Ainhoa) , 200-fem (Marina, Antía, Noelia), 500-fem (Irene, Nerea, Nuria), 800-masc (Álex, Eric, Ricardo) e 3000-masc (Gabriel, Guadix, Juan). Parabéns para tod@s el@s!

Tamén estiveron os reis magos pero non competindo (andaban un pouco apurados e deixaran os camelos en dobre fila). Aí van as clasificacións:

Lembrade que a vindeira semana hai unha cita importante,  o Cros Escolar de Ladeira! O venres, sábado e domingo tamén haberá probas en Braga (Portugal).

(máis…)

Resultados 29-30 decembro 2018

30 Decembro, 2018 Posted by javier

Este último fin de semana de 2018 houbo competicións en Ourense e Braga e en Nigrán a San Silvestre Solidaria (non competitiva). Esta é a información:

(máis…)

San Silvestre Solidaria Nigrán 2018

26 Decembro, 2018 Posted by javier

O domingo 30 de decembro Nigrán celebra a San Silvestre Solidaria cunha proba de 6 km que sairá ás 19:00 horas do Pavillón Municipal de Panxón e chegada ó mesmo punto, recorrendo Praia América e Monte Lourido. Nesta proba a clasificación non se mide co cronómetro senón cunha báscula, para ver quén aporta a maior cantidade de alimentos non perecedoiros para o Banco de Alimentos Municipal. A inscrición e entrega de alimentos é o mesmo día da proba (mínimo 1 kg). Ó rematar a proba haberá unha gran festa no Pavillón con chocolatada e actuación a cargo da Argonat Band. Animádevos, é por unha boa causa e tamén serve para reducir os efectos da inxesta masiva de crustáceos, moluscos e cefalópodos propia destas datas. Máis información:

NOTA: segundo comentan fontes ben informadas (=Juan) hai que ir de verde!

(máis…)