Category: ‘Resultados’

Competicións fin de tempada 2021

17 Setembro, 2021 Posted by savalminor

Achégase o outono e as actividades recuperan o horario habitual, tamén os adestramentos que volven ser pola tarde. Este ano seguimos con máscaras e medidas de protección, non hai que baixar a garda que o virus segue por aí inda que haxa moitas persoas que xa están vacinadas. De momento o calendario de competicións segue bastante baleiro pero agardamos que vaia collendo ritmo pouco a pouco. Este é o resumo:

Resultados Nigrán Area 2021

7 Agosto, 2021 Posted by savalminor

Este ano a Nigrán Area brilla como nunca nun calendario deserto de competicións. A carreira cumple por fin o seu décimo aniversario con retraso pola cancelación do ano pasado. O reto que supuña esta edición obligaba a un esforzo extraordinario pero organización e voluntari@s foron quen de superalo. Saídas escalonadas, agrupamentos, máscaras, valados e protocolos para que todo fora ben e con seguridade. O tempo fixo a súa parte con temperaturas suaves e ceo anubado cunhas pingas para refrescar o ambiente.

Nesta ocasión fíxose primeiro a carreira absoluta para aproveitar as horas de menor ocupación da praia. Foron vencedores Carlos Enrique Gutiérrez (Rungalicia-Intersport) e Ana Marinho (Atletismo Braga). Os primeiros clasificados do club foron Íñigo Millán e Martín Valverde, sen esquecer a Antón García, o atleta máis veterano da competición.

Nas categorías de menores en Sub16 foron vencedores Lucas García e Carmen Carrera, en Sub14 Elías Paradelo e Marta Pereira-Borrajo, en Sub12 Xoel Franco e Lucía Ageitos, en Sub10 Fabián López e Lena Currás e en Sub8 Carla Docampo (S. A. Val Miñor) e Lucas Ageitos. 

Parabéns para atletas, voluntari@s e tamén ós patrocinadores que fixeron posible este evento (Concello de Nigrán, Deputación de Pontevedra, Gadis e Froiz co avituallamento, Farmacia Abizanda co material sanitario) e agardamos vernos o ano que ven. Aí vai a información, resultados e iremos engadindo noticias e fotos:

(máis…)

10ª Nigrán Area 2021

1 Agosto, 2021 Posted by savalminor

A Sociedade Atlética Val Miñor e a Concellería de Deportes do Concello de Nigrán organizan o sábado 7 de agosto de 2021 a 10ª Edición da Carreira Nigrán Area que dará comezo as 10:00h. Poderán participar cantas persoas o desexen, estean ou non federadas.
O control da carreira estará a cargo dos Xuíces da Federación Galega de Atletismo.

Competicións verán 2021

28 Xuño, 2021 Posted by savalminor

Este verán de 2021 segue marcado polas medidas de contención da covid-19 polo que quedaremos de novo sen moitas das tradicionais carreiras populares. Será para outro ano. De momento todavía segue a tempada de pista con algunhas competicións que iremos engadindo. Por outra banda, os adestramentos cambian de horario e trasládanse á praia cando sexa posible (os adestradores irán informando dos lugares e horas). Coma sempre, teredes información puntual no facebook do club. Bo verán para tod@s!

 

 

 

 

 

Competicións xuño 2021

3 Xuño, 2021 Posted by savalminor

Este mes de xuño temos competicións en Pontevedra (Trofeo Cidade o dia 2), un Campionato Sub23 en O Barco de Valdeorras, probas en Braga (Portugal) e continúan as Series Municipais de Vigo entre outras. E o día 12 por fin retornan as carreiras populares coa Nocturna de Nigrán H2K. Coma sempre tedes máis información e fotos no Facebook do Club. A continuación vai o resumo de competicións e resultados:

Máis competicións en maio e xuño 2021

11 Maio, 2021 Posted by savalminor

As vindeiras semanas traen citas atléticas o sábado 15 de maio en Vigo (Control de Marcas da AVA), Ourense (Trofeo La Purísima en Pereiro de Aguiar) e Guimaraes (Campeonato de Infantis e Juvenis). O mércores 19 será o Trofeo da Sociedad Gimnástica de Pontevedra. E a finais de mes e comezo de xuño teremos as Series Municipais de Vigo o 30, 13 e 27 (as 3 primeiras xornadas, o resto quedan para novembro). Coma sempre tedes máis información e fotos no Facebook do Club. A continuación vai o resumo de competicións e resultados:

Competicións maio 2021

1 Maio, 2021 Posted by savalminor

Este mes de maio hai competicións o día 2 en Noia, o 8 Ourense acolle o Thermal Athletics Meeting, o mesmo fin de semana do 8-9 tamén hai un Control en Pista en Pontevedra e outro control en Vigo organizado pola AVA. E tamén hai competición en Maia (Portugal). Máis información e resultados: 

Nestas competicións participaron moit@s atletas do club, especialmente das categorías de menores. Podedes atopar unha crónica máis detallada e fotos no facebook do club. Parabéns para tod@s!

Máis competicións en abril 2021

9 Abril, 2021 Posted by savalminor

Nas vindeiras semanas deste mes de abril están previstos o Trofeo Club Ourense Atletismo o sábado 10, o Campionato de Galicia de Clubs en O Barco o día 17 e o Campionato de Galicia 10000m Memorial Alejandro Gómez o dia 24. Aí vai a información e resultados:

 

 

 

 

 

 

Novas semana 3-4 abril 2021

29 Marzo, 2021 Posted by savalminor

Esta Semana Santa 2021 a actividade competitiva redúcese a un Encontro en Pontevedra organizado polo Club Atletismo Redondela e o Atletismo Rías Baixas. Será o domingo 4 pola mañá. Máis información:

Neste encontro participaron Liam, Eloy, Hugo e Ana en 50m-Sub10, Alexandra, Isis e Mateo en 1000m-Sub14, Sergio en altura, Ainhoa en 60m, Uxía e Lucía en 60m-Sub12. Parabéns!

Novas fin de marzo 2021

16 Marzo, 2021 Posted by savalminor

Estas últimas semanas de marzo continúa a tempada de pista con varias competicións en Ourense e Pontevedra para todas as categorías. En Ourense estiveron Belén (ouro en 50m Sub10); Ana, Marta, Eloy, Liam e Hugo tamén en 50m Sub10, Uxía, Gabriela, Noa e Lucía Fernández en 60m Sub12,  Lucía García, Julia, Mateo e Fernando en 60m-Sub14, e Sergio Gil en salto de altura. No Campionato de Fondo en Pontevedra estiveron Anxo, Shewaferaw e Juan en 3000m, sen esquecer a Elena que foi prata tamén en 3000m co Celta Atletismo.

O 28 en Pontevedra estiveron Belén Silva (bronce en 500m Sub10), Marta, Ana tamén en 500m, Gabriela e Uxía en 500m Sub12, Bisrat e Julián en 500m Sub12, Hugo e Eloy en 500m Sub10, Sergio en 500m Sub14, Brais en 1000m Sub12. No Control de Inverno participaron Ruth Celada (bronce en altura) Shewaferaw. Parabéns para tod@s!

Aquí está toda a información: