Category: ‘Noticias e comunicados’

Avisos fin de semana 15-16 decembro 2018

12 Decembro, 2018 Posted by javier

Este fin de semana preséntase algo movido por diferentes circunstancias: suspéndese polo momento o 4º Trofeo Solidario do Celta Atletismo previsto para o sábado 15 en Balaídos (para categorías Sub16 e inferiores), e as 4ª Series Municipais de Vigo quedan aprazadas debido á falta de homologación da pista. En Baiona tamén se apraza o 20º Cros Escolar do Val Miñor (para Sub16 e inferiores) polas malas previsións meteorolóxicas.  Será o 13 de xaneiro se non hai novidade. A cambio os nosos atletas poderán acudir (se o tempo o permite) ó 18º Cros Andrés Abanqueiro que nesta ocasión cambia de localización, de Castrelos á Universidade de Vigo. Esperemos que ningúen se lie con tantos cambios…

NOTA: Todavía estades a tempo de anotarvos para a Cea de Nadal do Club, reservade praza o antes posible!

(13-dec) Finalmente, o Trofeo Solidario do Celta foi cancelado porque o mal tempo impide rematar as reparacións na pista de Balaídos ( “Un tortazo a la solidaridad” – Noticia en Faro de Vigo)

(16-dec) Resultados do Cros Andrés Abanqueiro

Obras na Pista de Atletismo de Balaídos en Vigo

10 Decembro, 2018 Posted by javier

As obras de reparación que se están a realizar nas pistas de Balaídos van impedir o seu uso entre o 10 e 12 de decembro.  Estas mesmas obras obrigan a proceder a unha nova homologación da pista para probas de velocidade, polo que mentres tanto as marcas obtidas en competición non serán oficiais. Isto obriga a aprazar a 1ª Xornada das Series Municipais prevista para o 15, manténdose nesa mesma data o Trofeo Solidario do Celta Atletismo:

Competicións primeiro trimestre 2019

1 Decembro, 2018 Posted by javier

Estas son as competicións previstas para os primeiros meses de 2019:

 

Cea de Nadal 2018

30 Novembro, 2018 Posted by javier

Como ven sendo habitual nestas datas, a S.A. Val Miñor celebrará a tradicional Cea de Nadal o venres 21 de decembro de 2018, despóis do adestramento. Será no local da Asociación de Veciños de Camos (Vilar 19 – 36360 Nigrán). O prezo son 15€ por persoa. Teremos tamén o sorteo de agasallos con rifas a 1€.

O menú consistirá en: 1° tapas variadas e 2° churrasco mixto e criollos, acompañados de patacas fritidas e ensaladas, por último postres e café. As bebidas serán refrescos e viño da casa. Se alguén prefire hamburguesas á brasa en lugar de churrasco que o indique no momento de anotarse.

Pregamos que vos anotedes o antes posible, podedes enviar unha mensaxe a Adolfo (Presidente do Club). Grazas e animádevos a vir!

MOI IMPORTANTE: Indicar se alguén ten algunha alerxia alimentaria para telo en conta.

  • Localización da AAVV Camos en google maps
  • coordenadas (lat, lon): +42.1582, -8.7778
  • Cómo chegar:
    • desde Nigrán: pola estrada de Camos (Rúa dos Pazos), a 3km xirar á esquerda pola Rúa de San Roque (xunto ó Pazo da Touza), a 1,8km está a AAVV Camos.
    • desde Gondomar: desde o Campo da Feira (institutos) seguir cara á autoestrada e continuar (3km) ata o cruce coa PO332 (en dirección Nigrán), seguir pola Rúa dos Pazos ata o Pazo da Touza (2km) e Rúa de San Roque igual que no caso anterior.

(máis…)

Farmacia Abizanda colabora co club

30 Novembro, 2018 Posted by javier

A Farmacia Abizanda de Gondomar ven de agasallar ó club con dous completos kits de produtos de primeiros auxilios, un para cada grupo de adestramento. Moitas grazas pola doazón!

Máis información:

(máis…)

42ª Carreira Pedestre Popular do San Martiño – Ourense 2018

20 Novembro, 2018 Posted by javier

O domingo 18 de novembro Ourense celebróu o San Martiño facendo deporte na 42ª Carreira Pedestre Popular, que xa está consolidada coma unha das probas máis importantes da nosa comunidade. Nesta ocasión xuntáronse máis de 8000 atletas entre categorías absoluta (10km), escolar (4,7km), cativos e inclusiva (1,4km). Nesta carreira participaron varios atletas do club, como Juan Antonio e Juan Manuel, Antón, Jesús Couto… parabéns para eles! Máis información e resultados:

 

 

(máis…)

V Invasión Celeste Fe Seguros – Vigo 2018

15 Novembro, 2018 Posted by javier

O vindeiro 8 de decembro as rúas de Vigo acollerán a demostración dun novo modelo de mobilidade urbana que non usa combustibles fósiles, con tracción integral e tapicería monocolor… celeste. Será a V Invasión organizada pola Fundación Celta en colaboración con La Fe Seguros. Inscricións ata o 2 de decembro. NOTA: esta carreira ten custo para os participantes: 2 euros (<2011), 5 euros (2004-11) e 8-12 euros (maiores).

(8 decembro) Pouca participación de atletas do club, pero máis de un subíu ó pódio (Gabriela, Irene, David). Parabéns para todos os que se animaron a ir!

Máis información:

(máis…)

IV Trofeo Solidario de Nadal Celta Atletismo – Vigo 2018

15 Novembro, 2018 Posted by javier

O 15 de decembro o Celta de Atletismo organiza o 4º Trofeo Solidario de Nadal en Balaídos. Será para categorías desde Prebenxamín ata Sub-16. A inscrición para atletas federados ten que facela o club na páxina da RFEA, para non federados hai un número limitado de prazas e pode facerse a través do correo: inscripcionescelta@gmail.com. Como en edicións anteriores a inscrición será gratuita pero pódese doar un xoguete novo ou alimentos non perecedoiros o día da carreira ou no momento de recoller o dorsal.

 

XX Cros Escolar do Val Miñor en Baiona 2018

15 Novembro, 2018 Posted by javier

(NOTA: aprazado ó 13 de xaneiro de 2019)

O domingo 16 de decembro 13 de xaneiro de 2019 temos o 20º Cros Escolar do Val Miñor en Sabarís (Baiona). Será a partir das 10:30h, coma sempre no circuíto do antigo campo de fútbol de Ladeira. As inscricións dos nosos atletas xa as tramita o club a través de XOGADE. Coma outros anos tamén poden inscribirse os centros educativos, ou individualmente no Servizo de Deportes do Concello de Baiona (tel: 986356558, deportes@baiona.org). O prazo permanecerá aberto ata o 12 de decembro.

(13-xan) Neste evento houbo unha gran presencia do club en tódalas categorías, con podios de Sergio en Sub16, David, Irene e Nerea en Sub14, Isis en Sub12, Bisrat e Gabriela en Sub10. Parabéns para todos!

Máis información:

(máis…)

40º Memorial Belarmino Alonso 2018

12 Novembro, 2018 Posted by javier

O 25 de novembro celébrase o 40º Memorial Belarmino Alonso no circuíto de San Andrés de Comesaña (Vigo). Este Cros servirá como Fase Zonal do programa Xogade e esta edición non forma parte do calendario oficial da federación. As inscricións poderán efectuarse ata o xoves 22 de novembro ás 20h mediante correo electrónico a comesana@comesana.org ou na web laptime.es. Máis información:

(máis…)