Category: ‘Noticias e comunicados’

Chega a Arribada 2019

3 Marzo, 2019 Posted by savalminor

Este fin de semana do 1-3 de marzo Baiona celebra a Festa da Arribada 2019. As previsións do tempo estragáronse un pouco despóis das altas temperaturas que tivemos durante a semana, pero parece que non haberá moita choiva. Este ano hai servizo de autobuses gratuito desde Porto do Molle (en Nigrán) pero suspéndese o transporte marítimo polo mal estado do mar.  Inda así o club estará alí como todos os anos.

Animádevos a vir e contádello a todo o mundo para que vaia tamén!

Velaquí o posto preparado para recibir ós visitantes…

 

 

 

 

 

 

 

 

 

(máis…)

Deportes Décimas novo colaborador

3 Marzo, 2019 Posted by savalminor

A cadea de tendas deportivas Décimas ofrece ós socios do club un desconto do 10% en artigos non rebaixados e un 5% en artigos rebaixados. Hai que presentar o carnet de socio e o DNI. Máis información:

(máis…)

24ª Festa da Arribada – Baiona 2019

21 Febreiro, 2019 Posted by savalminor

FESTA DA ARRIBADA EN BAIONA: 1, 2 e 3 de marzo de 2019

REUNIÓN INFORMATIVA: 21 de febreiro ás 1830h no Centro Neural de Gondomar. Pregamos asistencia, especialmente os novos socios.

Como todos os anos A Sociedade Atlética Val Miñor vai poñer un posto de comida na Festa da Arribada de Baiona. Estaremos na zona da Capela de Santa Liberata. Como sabedes este evento é fundamental para poder facerlle fronte aos gastos do Club.

Pedimos como sempre a colaboración de todos:

  • Por un lado a doazón de algún alimento típico desta festa que poñemos a venta, tal como empanadas, doces caseiros, especialmente de chocolate, leite frito, rosquillas, etc. (no posto elabóranse callos, tortilla, bocadillos, filloas, … )
  • E por outro lado facemos 4 turnos para atender o posto, sábado mediodía e tarde, e domingo mediodia e tarde.
  • Elaboraremos unha axenda polo que necesitamos que nos indiquedes que día poderiades achegalos ata o posto e qué produto, para telo todo organizado.
  • Para as empanadas existe a posibilidade de encargalas na Panadería Yahoma ou na Panadería Isolina (as dúas en Sabarís) e que eles nolas sirvan no posto.

Para a coordinación de todo isto este ano se encargan as compañeiras da directiva Belén e Rosa, ás que vos pedimos que lles indiquedes a vosa disponibilidade para algún dos catro turnos e se queredes achegar algunha doazón. Podedes contactar con elas a través dos grupos de mensaxes de whatsapp, donde tamén están os seus teléfonos (non se poñen aquí por motivos de privacidade).

Por último agradecer anticipadamente a vosa visita e que deades a maior difusión posible entre familiares e amigos.

Grazas,

SOCIEDADE ATLÉTICA VALMIÑOR

Deportes Athletics colabora co club

18 Febreiro, 2019 Posted by savalminor

A empresa Deportes Athletics Aventura ofrece ós socios do club un desconto do 20% (sobre PVP) en calzado e textil, non acumulable a outras ofertas ou descontos. Máis información:

(máis…)

Sinfomac colabora co club

27 Xaneiro, 2019 Posted by savalminor

A empresa de informática SINFOMAC ofrece ós socios un desconto do 15% nos seus produtos e servizos:

(máis…)

Bo Nadal 2018

30 Decembro, 2018 Posted by savalminor

BOAS FESTAS PARA TOD@S!

San Silvestre Solidaria Nigrán 2018

26 Decembro, 2018 Posted by savalminor

O domingo 30 de decembro Nigrán celebra a San Silvestre Solidaria cunha proba de 6 km que sairá ás 19:00 horas do Pavillón Municipal de Panxón e chegada ó mesmo punto, recorrendo Praia América e Monte Lourido. Nesta proba a clasificación non se mide co cronómetro senón cunha báscula, para ver quén aporta a maior cantidade de alimentos non perecedoiros para o Banco de Alimentos Municipal. A inscrición e entrega de alimentos é o mesmo día da proba (mínimo 1 kg). Ó rematar a proba haberá unha gran festa no Pavillón con chocolatada e actuación a cargo da Argonat Band. Animádevos, é por unha boa causa e tamén serve para reducir os efectos da inxesta masiva de crustáceos, moluscos e cefalópodos propia destas datas. Máis información:

NOTA: segundo comentan fontes ben informadas (=Juan) hai que ir de verde!

(máis…)

Resultados 22-23 decembro e últimas citas de 2018

23 Decembro, 2018 Posted by savalminor

Excepcional actuación do equipo infantil feminino na fase final da Liga Abanca en Ourense, con 4 victorias (en 10 probas), varios segundos e terceiros postos e dous récords galegos, Manuela González en altura (1,55m) e 4×100 (Uxía, Irene, Nuria, Nayr). Parabéns para elas!

Este domingo tamén en Ourense é a 2ª Xornada da Copa Deputación:

Xa están tamén os resultados da Carreira do Pavo en Vigo (últimas noticias… non había pavo, se cadra deberían cambiarlle o nome á carreira). Importante participación do club, con varios atletas nos primeiros postos (destacar a doble victoria en Sub10 de Bisrat e Gabriela, pero tamén o 2º e 4º de Gabriel e Abel en Sub18, 3º de Nerea en Sub14, 2º de Isis en Sub12). Parabéns para todos!

(máis…)

Avisos fin de semana 15-16 decembro 2018

12 Decembro, 2018 Posted by savalminor

Este fin de semana preséntase algo movido por diferentes circunstancias: suspéndese polo momento o 4º Trofeo Solidario do Celta Atletismo previsto para o sábado 15 en Balaídos (para categorías Sub16 e inferiores), e as 4ª Series Municipais de Vigo quedan aprazadas debido á falta de homologación da pista. En Baiona tamén se apraza o 20º Cros Escolar do Val Miñor (para Sub16 e inferiores) polas malas previsións meteorolóxicas.  Será o 13 de xaneiro se non hai novidade. A cambio os nosos atletas poderán acudir (se o tempo o permite) ó 18º Cros Andrés Abanqueiro que nesta ocasión cambia de localización, de Castrelos á Universidade de Vigo. Esperemos que ningúen se lie con tantos cambios…

NOTA: Todavía estades a tempo de anotarvos para a Cea de Nadal do Club, reservade praza o antes posible!

(13-dec) Finalmente, o Trofeo Solidario do Celta foi cancelado porque o mal tempo impide rematar as reparacións na pista de Balaídos ( “Un tortazo a la solidaridad” – Noticia en Faro de Vigo)

(16-dec) Resultados do Cros Andrés Abanqueiro

Obras na Pista de Atletismo de Balaídos en Vigo

10 Decembro, 2018 Posted by savalminor

As obras de reparación que se están a realizar nas pistas de Balaídos van impedir o seu uso entre o 10 e 12 de decembro.  Estas mesmas obras obrigan a proceder a unha nova homologación da pista para probas de velocidade, polo que mentres tanto as marcas obtidas en competición non serán oficiais. Isto obriga a aprazar a 1ª Xornada das Series Municipais prevista para o 15, manténdose nesa mesma data o Trofeo Solidario do Celta Atletismo: