Category: ‘Inicio’

Volvemos a adestrar – maio 2020

16 Maio, 2020 Posted by savalminor

Outra das novidades da fase 1 é que os atletas federados (non profesionais) tamén poden adestrar. Por tanto desde o 14 de maio volvemos á actividade segundo os horarios e indicacións dos adestradores. Será en grupos reducidos no campo de fútbol de Praia América, lugar habilitado polo Concello de Nigrán para esta actividade (temos autorización).

Lembrade que os participantes deben respectar as indicacións do adestrador, manterse separados e hai que levar a documentación e licenza federativa dixital por se fora necesario xustificar a presenza fora de horario e lugar de paseo e deporte individual. Estade pendentes dos grupos de mensaxería para os detalles.

A poñerse en forma de novo!

O Val Miñor sen franxas horarias – maio 2020

12 Maio, 2020 Posted by savalminor

Esta semana ademáis do inicio da Fase 1 temos a novidade da eliminación das franxas horarias nos tres concellos do Val Miñor porque todos os núcleos de poboación teñen menos de 5000 habitantes. Tamén abren moitos establecementos e incluso o mercado de Sabarís. Desfrutade deste novo espazo de liberdade!

Actividade física no estado de alarma – maio 2020

1 Maio, 2020 Posted by savalminor

A partir do dia 2 de maio (e mentres dure o estado de alarma) estará permitida a actividade física indvidual e os paseos, para maiores de 14 anos, unha soa vez ó día e nas franxas horarias de 6-10h e 20-23h. Os paseos poderán realizarse ata 1km do domicilio e as actividades deportivas só teñen como límite o concello de residencia. Non poderá utilizarse un vehículo para desprazarse ata o punto donde se realice a actividade, polo que ten que ser en bici ou a pé. A actividade deberá ser continua ou coas mínimas paradas imprescindibles.

Como en toda normativa hai aspectos pouco claros ou discutibles (cal é a o límite entre deporte e paseo para unha persoa maior que non pode correr ou andar en bici? por qué en municipios de menos de 5000 habitantes non hai horarios, cando en Galicia a poboación é dispersa tanto en concellos grandes como pequenos?). Pero aproveitemos esta oportunidade para ir volvendo pouco a pouco á vida normal, iso sí, con sentidiño!

Licenza dixital FGA 2020

30 Abril, 2020 Posted by savalminor

Unha das próximas medidas que se adoptarán no proceso de volta á normalidade “post-pandemia” será a autorización de actividades deportivas controladas, tanto para deportistas federados como os que non están. Para facilitar a identificación dos atletas federados, a FGA acaba de solicitar á RFEA a emisión de licenzas dixitais para esta tempada. Segundo informa a federación éstas chegarán en próximas datas ós atletas que teñan proporcionado os datos precisos (sobre todo foto e correo electrónico). Máis información:

A Vig-Bay 2020 non sairá o 7 de xuño

30 Abril, 2020 Posted by savalminor

A Organización da Vig-Bay ven de publicar un comunicado no que adían a edición deste ano sen dar de momento unha nova data de celebración. Esperamos que todavía sexa posible!

Contra o confinamento… movemento!

23 Marzo, 2020 Posted by savalminor

Estes días case todo o mundo está preocupado e nervioso pola pandemia de coronavirus, e un dos mellores remedios é manterse activos inda que sexa dentro de casa. Agora máis que nunca o deporte é sinónimo de saúde. Ai van uns cantos artigos e vídeos que nos manda Óscar. E outro artigo sobre cómo se vive o confinamento nos confíns de Gondomar. Tamén os atletas de RunGalicia ofrecen unha colección de vídeos diarios de adestramento para facer en casa, cada día un novo con conexión en directo desde facebook. E o noso colaborador de Fisioterapia Garabullo comunica que segue á nosa disposición (tomando as debidas precaucións). Cuidádevos moito e vémonos pronto!

(30-marzo) Desde o club pedimos que enviedes imaxes dos vosos adestramentos en casa para poñer nas nosas redes sociais (Facebook e Instagram). A continuación van os primeiros exemplos. Animádevos e participade!

(máis…)

Suspensión adestramentos – marzo 2020

12 Marzo, 2020 Posted by savalminor

O aumento de casos de Covid-19 nos últimos días fixo que se suspenderan moitas actividades que supoñan concentración de persoas nun mesmo lugar: campionatos deportivos, espectáculos públicos e actividades lectivas en colexios, institutos e universidades. Por este motivo os adestramentos do club quedan cancelados ata que melloren as circunstancias. Os adestradores estarán en contacto cos distintos grupos e darán instrucións para manter a actividade de forma individual. Recordade os consellos de prevención e poñédeos en práctica para que toda esta situación se normalice o antes posible. Saúde!

Información sobre próximas competicións – marzo 2020

11 Marzo, 2020 Posted by savalminor

Facemos a continuación un pequeno resumo dos cambios os cancelacións de eventos deportivos debidos ás medidas adoptadas estes días polas autoridades:

Información importante sobre o Coronavirus

10 Marzo, 2020 Posted by savalminor

Debido ó aumento en España de casos de infección por coronavirus Covid-19, as autoridades sanitarias fan un conxunto de recomendacións para evitar a propagación deste virus. Os adestradores informarán ós grupos das normas que se deberán seguir nas actividades do club. Entre outras, evitar tusir e espirrar preto doutras persoas, evitar contacto entre mans-ollos-nariz-boca, lavar as mans con frecuencia e manter separados os obxectos persoais (roupa, bebidas…).

Ademáis, a RFEA  e FGA están prantexando a posible suspensión temporal das competicións. En canto teñamos máis novidades se comunicarán polos grupos de mensaxería e páxinas web. Estade atentos!

13º Campionato de Galicia Sub10-12-14 en Pista Cuberta – Ourense 2020

9 Marzo, 2020 Posted by savalminor

O sábado 14 de marzo a Pista de ExpoOurense acolle o 13º Campionato de Galicia Sub10-12-14 en Pista Cuberta. Máis información: