Category: ‘Directiva’

Información sobre os seguros deportivos 2019

6 Outubro, 2019 Posted by savalminor

Achegamos información sobre os seguros deportivos ós que poden ter dereito os atletas federados ou incluídos no programa Xogade (para rapac@s de 6 ata 16 anos). Tede en conta que a información máis actualizada estará sempre nas páxinas que indicamos a continuación, xa que as pólizas e compañías poden variar cada tempada.

En caso de accidente é mellor dirixirse á directiva do club para coñecer os pasos a seguir, no caso da FGA o club dispón de partes de accidentes que hai que entregar nun prazo de 7 días para ter dereito á cobertura.

Outras probas (especialmente as carreiras populares) teñen os seus propios procedementos de seguro polo que hai que consultar coa organización en cada caso. (máis…)

Inscrición Socios 2019

6 Outubro, 2019 Posted by savalminor

Axuntamos a continuación a ficha de datos de socios para a tempada actual 2019-20. Pregamos cubrir correctamente todos os datos e indicar os atletas que estarán federados. Grazas a todos!

  • Este ano pedimos que entreguen a ficha todos os socios, tanto os que seguen como os novos, para ter un censo de datos actualizado.
  • Pregamos que na ficha poñades só os datos dos atletas que vaian adestrar e/ou competir co club, non todos os membros da familia. Se o atleta non vai competir (só adestrar) non hai que marcar a casiña de licencia (ten un custo que vai aparte da cota familiar). 
  • No caso de menores de idade deberá figurar un representante como socio principal (pai/nai/titores).
  • A cota de socio este ano é de 100 euros por unidade familiar, pero non houbo suba de cota xa que este ano non se farán rifas (que tiñan un custo de 25 euros).
  • A tempada federativa coicide co ano natural 2020 e comeza o 1 de xaneiro, polo que os cambios de licencia non se fan efectivos ata esa data.  A categoría de cada atleta está referida ó ano 2020, por exemplo @s nacid@s no ano 2005 son Sub16 porque cumplen 15 anos en 2020 (<16 anos).
  • O ano pasado a RFEA pedíu a cada atleta un consentimento legal de tratamento de datos persoais, de momento non sabemos se hai que facelo de novo cada tempada ou só para os novos federados. Se tedes que facer algún tramite avisaremos oportunamente.

Ficha de socios tempada 2019-20

(máis…)

Directiva 2019

5 Outubro, 2019 Posted by savalminor

Presidente:

Adolfo Gil Goberna

Xunta Directiva:

Manuel Ángel Celada Yebenes (Vicepresidente), Jesús Prieto Gómez (Tesoureiro), Paula Campos López (Secretaria), Daniel Álvarez Rial (Vogal).

Director Deportivo:

Óscar Fernández Villar

Adestradores:

Óscar Fernández Villar, Brais Gómez Vilar

 

Convocatoria Asemblea Socios 2019

20 Setembro, 2019 Posted by savalminor

El Presidente de la Sociedad Atlética Val Miñor, D. Adolfo Gil Goberna, en virtud de las atribuciones que le confieren los Estatutos de la mencionada Entidad Deportiva, convoca a todos los socios de número de la Sociedad Atlética Val Miñor, a la Asamblea General Ordinaria que se celebrará el próximo viernes día 4 de octubre de 2019, a las 18:30 h. en primera convocatoria y a las 19:00 h. en segunda y última convocatoria, en el Centro  Neural de Gondomar (local de la policía) para tratar el siguiente orden del día:

  1. Saludo del Presidente.
  2. Lectura y aprobación, si procede, del acta anterior.
  3. Presentacion del presupuesto temporada 2019/2020.
  4. Presentación de la memoria económica 2018/2019.
  5. Aprobación, si procede, de la memoria económica 2018/2019
  6. Captación nuevos socios.
  7. Comunicación bajas junta directiva y presentación nuevos miembros de ésta.
  8. Aprobación nuevas cuotas socios.
  9. Varios.
  10. Ruegos y preguntas.

Dada la importancia de los puntos a tratar, esperamos contar con la presencia de todos vosotros.

Muchas gracias y un saludo.

Información Campamento Melgaço 2019

28 Agosto, 2019 Posted by savalminor

INFORMACIÓN SOBRE O CAMPAMENTO DE PRETEMPORADA EN MELGAÇO

  • Lugar e hora de saída: O autobús saírá o xoves 29 as 15:30h do aparcadoiro da Policía Local xunto ó Campo das Cercas en Gondomar (donde adestramos). 
  • Lugar e hora de regreso: o mesmo lugar, o domingo 1 de setembro entre as 6 e 8 do serán a concretar segundo o programa de actividades que se faga ese día.
  • O importe se pagará no momento da saída (son 50 euros por atleta, o resto o cubre o club).
  • Os menores de idade entregarán a autorización no momento da saída a un responsable do club.
  • O primeiro día é recomendable levar algo de merenda para a tarde.
  • Os atletas terán que levar roupa deportiva para os 3 días (non é preciso levar o equipamento do club), toallas de aseo e para a piscina bañador(es), toalla e chanclas. Se tedes tenis de cravos para pista podedes levalos tamén.
  • O complexo dispón de pista de atletismo, piscinas e minigolf. A piscina cuberta non se poderá usar, pero hai piscina exterior e spa. As pistas non teñen sombra polo que será necesario levar protector solar e/ou gorra.
  • Tamén hai cafetería polo que os atletas poden levar algún diñeiro para refrescos, xeados, etc.
  • Non hai que levar roupa de cama nin saco de durmir. Cada atleta será responsable de facer a súa cama.
  • As comidas e ceas serán no albergue, para o que temos contratada unha empresa de catering. Axuntamos os menús diarios, se hai algún problema de intolerancia ou alerxia por favor facédeo saber para telo en conta. Hai cociña con microondas para quentar alimentos.
  • Os pais que desexen visitar o campamento algún día poden facelo, é posible xantar alí avisando previamente ós responsables do club.
  • Os atletas poden levar móbiles e outros aparellos baixo a súa responsabilidade e poderán usalos no tempo libre.
  • O albergue ten cuartos para 4/5 persoas con acceso mediante tarxeta codificada que deberán gardar os atletas, os responsables do club terán ademáis unha tarxeta maestra para acceso a calquera cuarto en caso de necesidade.

Se precisades algunha aclaración podedes poñervos en contacto coa directiva. Un saúdo,

S. A. Valmiñor

 

(máis…)

Campamento de pretemporada en Melgaço 2019

12 Agosto, 2019 Posted by savalminor

 
Este ano o campamento de pretemporada cambia de ubicación e será en Melgaço (Portugal, enfronte de Arbo). Será do 29 de agosto ó 1 de setembro (xoves a domingo). A saída será o 29 pola mañá desde o pavillón de Gondomar e o regreso será o día 1 pola tarde. O desprazamento faráse en autobús. O custo por persoa é de 100 euros pero só se aboarán 50, o resto vai a cargo do club. O número de prazas é de 21 para nenos e 21 para nenas. O prazo para anotarse é ata o día 21 de agosto.
Como hai que cruzar a fronteira de Portugal os menores que viaxen sen os seus pais ou titores precisan levar unha autorización asinada. Pode facerse na policía nacional ou na garda civil. Teñen que ir os pais ou titores e levar os dni de todos e o libro de familia. Axuntamos a continuación os formularios e información do procedemento:
 Tamén hai que levar DNI e tarxeta sanitaria europea. Se non a tedes pode solicitarse na páxina da Seguridade Social ou nos puntos de atención ou CAISS (hai un na Casa do Mar en Baiona, rúa Alférez Barreiro 21, tel: 986355034). Tarda uns 10 dias e a envían por correo. Se tedes acceso á sede electrónica con clave ou certificado tamén se pode imprimir un certificado provisional (válido por 90 días): 
 Esperámosvos!
 
A Directiva da S.A. Valmiñor

(máis…)

Aberta a inscrición para a Carreira Popular de Gondomar 2019

25 Abril, 2019 Posted by savalminor

Xa podedes anotarvos para a Carreira Popular de Gondomar que se celebrará o 27 de abril. A inscrición está aberta ata o 23 de abril. Que non falte ningúen!

(21-abril) CASE 400 ATLETAS INSCRITOS! ANIMÁDEVOS A PARTICIPAR!

(24-abril) INSCRICIÓN PECHADA. Total: 582 atletas inscritos. Vémonos o sábado!

1ª Carreira Popular Concello de Gondomar 2019

17 Marzo, 2019 Posted by savalminor

O sábado 27 de abril a Sociedade Atlética Val Miñor coa colaboración e patrocinio do Concello de Gondomar organiza a 1ª Edición da Carreira Popular Concello de Gondomar. As probas comezarán ás 18:30h. Haberá competicións para todas as categorías, desde pitufos ata seniors. Non é necesario estar federados para inscribirse. O período de inscrición remata o 23 de abril ás 20h. A carreira absoluta ten un custo de 5 euros, nas restantes a inscrición é de balde. Os dorsais e chips entregaránse o día anterior á proba na  praza do Concello en horario de 18:00 a 21:00 h., e o mesmo día da proba, ata 30 minutos antes da celebración de cada carreira.
PREMIOS: Outorgaranse trofeos aos tres primeiros de cada categoría tanto feminina como masculina e medallas conmemorativas na categoría de pitufos. Haberá agasallos conmemorativos nas categorías prebenxamíns ata absoluta. Os trofeos non serán acumulativos.

(máis…)

24ª Festa da Arribada – Baiona 2019

21 Febreiro, 2019 Posted by savalminor

FESTA DA ARRIBADA EN BAIONA: 1, 2 e 3 de marzo de 2019

REUNIÓN INFORMATIVA: 21 de febreiro ás 1830h no Centro Neural de Gondomar. Pregamos asistencia, especialmente os novos socios.

Como todos os anos A Sociedade Atlética Val Miñor vai poñer un posto de comida na Festa da Arribada de Baiona. Estaremos na zona da Capela de Santa Liberata. Como sabedes este evento é fundamental para poder facerlle fronte aos gastos do Club.

Pedimos como sempre a colaboración de todos:

  • Por un lado a doazón de algún alimento típico desta festa que poñemos a venta, tal como empanadas, doces caseiros, especialmente de chocolate, leite frito, rosquillas, etc. (no posto elabóranse callos, tortilla, bocadillos, filloas, … )
  • E por outro lado facemos 4 turnos para atender o posto, sábado mediodía e tarde, e domingo mediodia e tarde.
  • Elaboraremos unha axenda polo que necesitamos que nos indiquedes que día poderiades achegalos ata o posto e qué produto, para telo todo organizado.
  • Para as empanadas existe a posibilidade de encargalas na Panadería Yahoma ou na Panadería Isolina (as dúas en Sabarís) e que eles nolas sirvan no posto.

Para a coordinación de todo isto este ano se encargan as compañeiras da directiva Belén e Rosa, ás que vos pedimos que lles indiquedes a vosa disponibilidade para algún dos catro turnos e se queredes achegar algunha doazón. Podedes contactar con elas a través dos grupos de mensaxes de whatsapp, donde tamén están os seus teléfonos (non se poñen aquí por motivos de privacidade).

Por último agradecer anticipadamente a vosa visita e que deades a maior difusión posible entre familiares e amigos.

Grazas,

SOCIEDADE ATLÉTICA VALMIÑOR

Cea de Nadal 2018

30 Novembro, 2018 Posted by savalminor

Como ven sendo habitual nestas datas, a S.A. Val Miñor celebrará a tradicional Cea de Nadal o venres 21 de decembro de 2018, despóis do adestramento. Será no local da Asociación de Veciños de Camos (Vilar 19 – 36360 Nigrán). O prezo son 15€ por persoa. Teremos tamén o sorteo de agasallos con rifas a 1€.

O menú consistirá en: 1° tapas variadas e 2° churrasco mixto e criollos, acompañados de patacas fritidas e ensaladas, por último postres e café. As bebidas serán refrescos e viño da casa. Se alguén prefire hamburguesas á brasa en lugar de churrasco que o indique no momento de anotarse.

Pregamos que vos anotedes o antes posible, podedes enviar unha mensaxe a Adolfo (Presidente do Club). Grazas e animádevos a vir!

MOI IMPORTANTE: Indicar se alguén ten algunha alerxia alimentaria para telo en conta.

  • Localización da AAVV Camos en google maps
  • coordenadas (lat, lon): +42.1582, -8.7778
  • Cómo chegar:
    • desde Nigrán: pola estrada de Camos (Rúa dos Pazos), a 3km xirar á esquerda pola Rúa de San Roque (xunto ó Pazo da Touza), a 1,8km está a AAVV Camos.
    • desde Gondomar: desde o Campo da Feira (institutos) seguir cara á autoestrada e continuar (3km) ata o cruce coa PO332 (en dirección Nigrán), seguir pola Rúa dos Pazos ata o Pazo da Touza (2km) e Rúa de San Roque igual que no caso anterior.

(máis…)