Category: ‘Directiva’

Campamento de pretemporada en Melgaço 2019

12 Agosto, 2019 Posted by javier

 
Este ano o campamento de pretemporada cambia de ubicación e será en Melgaço (Portugal, enfronte de Arbo). Será do 29 de agosto ó 1 de setembro (xoves a domingo). A saída será o 29 pola mañá desde o pavillón de Gondomar e o regreso será o día 1 pola tarde. O desprazamento faráse en autobús. O custo por persoa é de 100 euros pero só se aboarán 50, o resto vai a cargo do club. O número de prazas é de 21 para nenos e 21 para nenas. O prazo para anotarse é ata o día 21 de agosto.
Como hai que cruzar a fronteira de Portugal os menores que viaxen sen os seus pais ou titores precisan levar unha autorización asinada. Pode facerse na policía nacional ou na garda civil. Teñen que ir os pais ou titores e levar os dni de todos e o libro de familia. Axuntamos a continuación os formularios e información do procedemento:
 Tamén hai que levar DNI e tarxeta sanitaria europea. Se non a tedes pode solicitarse na páxina da Seguridade Social ou nos puntos de atención ou CAISS (hai un na Casa do Mar en Baiona, rúa Alférez Barreiro 21, tel: 986355034). Tarda uns 10 dias e a envían por correo. Se tedes acceso á sede electrónica con clave ou certificado tamén se pode imprimir un certificado provisional (válido por 90 días): 
 Esperámosvos!
 
A Directiva da S.A. Valmiñor

(máis…)

Aberta a inscrición para a Carreira Popular de Gondomar 2019

25 Abril, 2019 Posted by javier

Xa podedes anotarvos para a Carreira Popular de Gondomar que se celebrará o 27 de abril. A inscrición está aberta ata o 23 de abril. Que non falte ningúen!

(21-abril) CASE 400 ATLETAS INSCRITOS! ANIMÁDEVOS A PARTICIPAR!

(24-abril) INSCRICIÓN PECHADA. Total: 582 atletas inscritos. Vémonos o sábado!

1ª Carreira Popular Concello de Gondomar 2019

17 Marzo, 2019 Posted by javier

O sábado 27 de abril a Sociedade Atlética Val Miñor coa colaboración e patrocinio do Concello de Gondomar organiza a 1ª Edición da Carreira Popular Concello de Gondomar. As probas comezarán ás 18:30h. Haberá competicións para todas as categorías, desde pitufos ata seniors. Non é necesario estar federados para inscribirse. O período de inscrición remata o 23 de abril ás 20h. A carreira absoluta ten un custo de 5 euros, nas restantes a inscrición é de balde. Os dorsais e chips entregaránse o día anterior á proba na  praza do Concello en horario de 18:00 a 21:00 h., e o mesmo día da proba, ata 30 minutos antes da celebración de cada carreira.
PREMIOS: Outorgaranse trofeos aos tres primeiros de cada categoría tanto feminina como masculina e medallas conmemorativas na categoría de pitufos. Haberá agasallos conmemorativos nas categorías prebenxamíns ata absoluta. Os trofeos non serán acumulativos.

(máis…)

24ª Festa da Arribada – Baiona 2019

21 Febreiro, 2019 Posted by javier

FESTA DA ARRIBADA EN BAIONA: 1, 2 e 3 de marzo de 2019

REUNIÓN INFORMATIVA: 21 de febreiro ás 1830h no Centro Neural de Gondomar. Pregamos asistencia, especialmente os novos socios.

Como todos os anos A Sociedade Atlética Val Miñor vai poñer un posto de comida na Festa da Arribada de Baiona. Estaremos na zona da Capela de Santa Liberata. Como sabedes este evento é fundamental para poder facerlle fronte aos gastos do Club.

Pedimos como sempre a colaboración de todos:

  • Por un lado a doazón de algún alimento típico desta festa que poñemos a venta, tal como empanadas, doces caseiros, especialmente de chocolate, leite frito, rosquillas, etc. (no posto elabóranse callos, tortilla, bocadillos, filloas, … )
  • E por outro lado facemos 4 turnos para atender o posto, sábado mediodía e tarde, e domingo mediodia e tarde.
  • Elaboraremos unha axenda polo que necesitamos que nos indiquedes que día poderiades achegalos ata o posto e qué produto, para telo todo organizado.
  • Para as empanadas existe a posibilidade de encargalas na Panadería Yahoma ou na Panadería Isolina (as dúas en Sabarís) e que eles nolas sirvan no posto.

Para a coordinación de todo isto este ano se encargan as compañeiras da directiva Belén e Rosa, ás que vos pedimos que lles indiquedes a vosa disponibilidade para algún dos catro turnos e se queredes achegar algunha doazón. Podedes contactar con elas a través dos grupos de mensaxes de whatsapp, donde tamén están os seus teléfonos (non se poñen aquí por motivos de privacidade).

Por último agradecer anticipadamente a vosa visita e que deades a maior difusión posible entre familiares e amigos.

Grazas,

SOCIEDADE ATLÉTICA VALMIÑOR

Cea de Nadal 2018

30 Novembro, 2018 Posted by javier

Como ven sendo habitual nestas datas, a S.A. Val Miñor celebrará a tradicional Cea de Nadal o venres 21 de decembro de 2018, despóis do adestramento. Será no local da Asociación de Veciños de Camos (Vilar 19 – 36360 Nigrán). O prezo son 15€ por persoa. Teremos tamén o sorteo de agasallos con rifas a 1€.

O menú consistirá en: 1° tapas variadas e 2° churrasco mixto e criollos, acompañados de patacas fritidas e ensaladas, por último postres e café. As bebidas serán refrescos e viño da casa. Se alguén prefire hamburguesas á brasa en lugar de churrasco que o indique no momento de anotarse.

Pregamos que vos anotedes o antes posible, podedes enviar unha mensaxe a Adolfo (Presidente do Club). Grazas e animádevos a vir!

MOI IMPORTANTE: Indicar se alguén ten algunha alerxia alimentaria para telo en conta.

  • Localización da AAVV Camos en google maps
  • coordenadas (lat, lon): +42.1582, -8.7778
  • Cómo chegar:
    • desde Nigrán: pola estrada de Camos (Rúa dos Pazos), a 3km xirar á esquerda pola Rúa de San Roque (xunto ó Pazo da Touza), a 1,8km está a AAVV Camos.
    • desde Gondomar: desde o Campo da Feira (institutos) seguir cara á autoestrada e continuar (3km) ata o cruce coa PO332 (en dirección Nigrán), seguir pola Rúa dos Pazos ata o Pazo da Touza (2km) e Rúa de San Roque igual que no caso anterior.

(máis…)

Deica logo, Elena

30 Outubro, 2018 Posted by javier

Para os que non o saibades Elena Costas remata etapa no noso club para iniciar unha nova no Celta Atletismo. Pero non lle dicimos adeus senón deica logo, porque sabemos que non vai moi lonxe e estaremos con ela en adestramentos, competicións ou onde o destino nos xunte de novo. Grazas de parte da directiva, adestradores e de todo o club polo teu compromiso e exemplo para os compañeir@s durante estes anos e desexámoste todos os éxitos do mundo nesta nova andaina deportiva e persoal.

Boa sorte,

Os teus compañeiros da S. A. Valmiñor

 

Queremos extender este recoñecemento a tódolos atletas que deixaron o club ó longo dos anos pero seguen levando un anaco con eles

Directiva 2018

5 Outubro, 2018 Posted by javier

Presidente:

Adolfo Gil Goberna

Xunta Directiva:

(próximamente)

Director Deportivo:

Óscar Fernández Villar

 

Directiva 2008-09

1 Outubro, 2018 Posted by javier

XUNTA DIRECTIVA 2008-09

Presidente Jesús Martínez Rodal
Secretario Alberto Fernández Pérez
Tesoureira Marisa Valtierra Alonso
Delegados de Cross e Pistas Armando Rodriguez Alonso, Lucía Álvarez Díaz
Delegada Federación, Xunta de Galicia e Inscricións Sonia García Beceiro
Responsable de Equipacións Deportivas Rosa Martínez Alleres
Responsable de Eventos Deportivos Carlos Misa
 
ADESTRADORES
Gondomar: Bernardo Almuiña – Monitor Nacional 1º Nivel
Castrelos(Vigo) : Hipolito Sousa (Tito) – Adestrador Nacional
 

Directiva 2014-2018

1 Outubro, 2018 Posted by javier

DIRECTIVA 2014-2018

Presidente:

Jose Ángel González Rocha.

Xunta Directiva:

Jesús Prieto Gómez, Pilar Márquez Lorenzo, Fernanda Martín Amoedo, María Belén Giraldez Abalde, Eva Alonso Costas, Sergio Darío Aranda,  José Manuel Rodríguez Pérez.

Director Deportivo:

Óscar Fernández Villar.

 

Convocatoria Asemblea Socios 2018

25 Setembro, 2018 Posted by javier

O Presidente da Sociedade Atlética Val Miñor, D. José Ángel Gónzalez Rocha, en virtude das atribucións que le confiren os Estatutos da mencionada Entidade Deportiva, convoca a tódolos socios de número da Sociedade Atlética Val Miñor, a Asamblea Xeral Ordinaria que se celebrará o próximo venres día 05 de Outubro de 2018, as18:00 h. en primeira convocatoria e as18:30h. en segunda e última convocatoria, no Centro de Desenvolvemento Local de Gondomar para tratar o seguinte orde do día:

  1. Saúdo do Presidente.
  2. Lectura e aprobación, se procede, da acta anterior.
  3. Presentación das contas e aprobación do presuposto temporada 2018/2019.
  4. Nova cota para os socios.
  5. Eleccións nova directiva.
  6. Equipación deportiva
  7. Rogos e preguntas.

Dada a importancia dos puntos a tratar, esperamos contar coa presencia de todos vós.

Moitas grazas e un saúdo,

 

A Xunta Directiva da Sociedade Atlética Val Miñor

 

CONVOCATORIA ASAMBLEA 2018