Category: ‘C_Populares’

4º Trofeo Solidario de Nadal Celta Atletismo 2019

12 Novembro, 2019 Posted by savalminor

NOVA DATA: domingo 29 de decembro (inscricións abertas de novo!)

AVISO (20-dec): Este Trofeo queda aprazado polo mal tempo (aviso en Twitter).

O 21 de decembro 29 de decembro o Celta de Atletismo organiza o 4º Trofeo Solidario de Nadal en Balaídos. Como curiosidade esta proba tivo que cancelarse o ano pasado por obras nas pistas, polo que mantén o número de orde anterior (senón sería a 5ª edición). Será para categorías desde Sub8 ata Sub16 e as probas comezarán a partir das 10h. A inscrición é gratuita e no momento da recollida de dorsais pódense entregar alimentos non perecedoiros destinados á Asociación AFAN de Vigo. Mäis información:

(máis…)

Resultados semana 2-3 novembro 2019

3 Novembro, 2019 Posted by savalminor

Este primeiro fin de semana de novembro coincidiron unhas minivacacións para os rapaces, a festa de Samaín (ou Santos ou Halloween segundo os gustos e culturas) e un par de competicións o domingo: a Liga Abanca en Vilagarcía e a Carreira Popular Vigo+11. Na Liga Abanca destacar os resultados en Sub14 (Bruno doble prata en 60m e 60m valados, Nayr 1ª en 60m e Manuela 1ª en altura) e Sub10 (Gabriela 2ª en 50m). Na Vigo+11 en Sub10 subiron ó podio Brais (1º) e Lucía (2ª),  en Sub8 Liam foi 1º e en Sub14 Irene tamén foi 1ª. Quedaron en postos destacados Iván (6º en Sub10),  David (4º en Sub14), Mateo (8º en Sub12), Íñigo (5º en Sub16-18) e na absoluta participaron Nanda (2ª na súa categoría), Daniel, Jesús e Jose Manuel. Parabéns para todos!

Ademáis houbo atletas do club noutros eventos, como a 5ª Carreira Popular de Mondariz (Brais 1º en Sub10, vaia fin de semana rapaz!) ou o 7º Trail Serra da Groba (no Trailiño de 12km estivo Juan Antonio González).  Aquí está o resumo de información e resultados: 

(máis…)

Resultados semana 26-27 outubro 2019

26 Outubro, 2019 Posted by savalminor

Este fin de semana do 26-27 de outubro temos competicións de pista en Marín (o sábado 26) e cros en Vigo (AD Castro-San Miguel, o domingo 27). Ademáis algúns maiores acudirán a Bouzas á Carreira Solidaria pola Esclerose Múltiple. Este é o resumo de resultados (iremos engadindo a medida que estean dispoñibles):

13ª Carreira Popular Vigo+11 2019

22 Outubro, 2019 Posted by savalminor

O domingo 3 de novembro celébrase a 13ª CARREIRA POPULAR VIGO +11 organizada pola Delegación de Vigo da FGA e o Concello de Vigo. Será a partir das 10h no circuíto habitual (Cánovas del Castillo). Inscricións a cargo dos atletas en ChampionChipNorte. Máis información:

(3-nov) en Sub10 subiron ó podio Brais (1º) e Lucía (2ª),  en Sub8 Liam foi 1º e en Sub14 Irene foi 1ª. Quedaron en postos destacados Iván (6º en Sub10),  David (4º en Sub14), Mateo (8º en Sub12), Íñigo (5º en Sub16-18) e na absoluta participaron Nanda (2ª na súa categoría), Daniel, Jesús e Jose Manuel. Parabéns para todos!

(máis…)

7ª Carreira Vigo Contra el Cáncer 2019

20 Outubro, 2019 Posted by savalminor

Este domingo 20 de outubro celebróuse en Vigo a 7ª Edición da Carreira “Vigo contra el Cáncer” con varias competicións: unha andaina, carreira de 5km e outra de 10km. Como en edicións anteriores pode facerse unha inscrición km0 (que segue aberta mediante paypal) para recadar fondos adicados á investigación oncolóxica. Máis información:

Nesta edición participaron os atletas do club Juan Manuel González e Fernanda Martín (se hai alguén máis avisade…)

(máis…)

Competicións setembro 2019

23 Setembro, 2019 Posted by savalminor

Comeza o outono e volta ó traballo, ó cole e cómo non, chega unha nova tempada de competicións. As primeiras citas deste mes de setembro son o 27 en Porriño (Milla das Festas do Cristo) e o 28 en Marín (Milla Urbana). Tedes máis información a continuación, pero antes comentar que o fin de semana do 22 foi tamén o Desafío Santander Illas Cíes, proba múltiple composta por unha travesía a nado de 10km (que xa foi o 31 de agosto), un triatlón e unha carreira popular de 7km. Nesta última participóu o atleta do club Guadix Rogel, acadando un destacadísimo 6º posto. Parabéns!

 

 

 

(máis…)

Resultados 9ª Nigrán Area 2019

4 Agosto, 2019 Posted by savalminor

Onte pola mañá Praia América acolléu unha nova edición da Nigrán Area – e xa van nove – na que tomaron a saída máis de cincocentos atletas de tódalas categorías. Nesta ocasión o tempo foi amable cos deportistas, cunha mañá cálida pero non abafante e un sol lixeiramente peneirado pola néboa. As probas deron comezo algo despóis das 10h xa que a baixada da marea fíxose agardar algo máis do previsto (algún participante xa estaba dubidando se mudar as zapatillas polas aletas e o neopreno). Na primeira proba Sub16 resultaron vencedores Sergio Souto do noso club e Marcela Morgado do Trega, con Íñigo Millán en terceira posición. En Sub14 venceron Javier Acuña e Elisa Morgado (tamén do Trega, coa súa compañeira Carmen Magallanes en segundo lugar), con Irene Carrera en terceira posición. En Sub14 os gañadores foron Álex Sierpes (do Trega) e Sabela Castelo. En Sub10 quedaron nas primeiras posicións Jun Sieira e Gabriela Bouzada, acompañados no podio polos atletas do club Brais Montes e Carmen Rodríguez.

Na carreira absoluta os vencedores foron Óscar Bernárdez seguido de Marcos Paz e Raúl Corrales na categoría masculina e na feminina Elsa Pena con Leticia Fernández Barbosa e Elena Costas (que ademáis foi primeira da súa categoría e primeira atleta local). Destacar a actuación de Guadix Rogel do noso club, quinto clasificado na absoluta e primeiro en Sub20. Tamén a de Daniel Puentes, primeiro en Sub18 e segundo do club, Nanda que foi segunda na súa categoría e primeira do club… por mencionar ós que subiron o podio, pero sen esquecer ós demáis. 

A mañá remataba coas carreiras Sub8 e pitufos e a continuación a entrega de premios. Parabéns para todos os atletas, voluntarios e tamén ós patrocinadores que fan posible este evento e esperamos volver atoparnos todos o ano que ven para celebrar o décimo aniversario!

Máis información e resultados:

FOTOS (máis…)

35ª Carreira Pedestre Popular Andar e Correr – Baiona 2019

1 Agosto, 2019 Posted by savalminor

O domingo 18 de agosto haberá en Baiona unha nova edición da Carreira Popular “Andar e Correr” para categorías desde chupetes ata veteráns. Máis información:

 

9ª Nigrán Area 2019

22 Xullo, 2019 Posted by savalminor

A Sociedade Atlética Val Miñor e a Concellería de Deportes do Concello de Nigrán organizan o sábado 3 de agosto de 2019 a 9ª Edición da Carreira Nigrán Area que dará comezo as 10:00h. Poderán participar cantas persoas o desexen, estean ou non federadas. O control da carreira estará a cargo dos Xuíces da Federación Galega de Atletismo.
 
MÁIS INFORMACIÓN:

(máis…)

Competicións segundo semestre 2019

1 Xullo, 2019 Posted by savalminor

Estas son as competicións previstas para o segundo semestre de 2019: