Hoy queremos sumarnos a todos eses mensajes de apoyo para todo un campeón que además es vecino. Desearle fuerza y desde todo nuestro club le mandamos nuestro cariño y fuerza. Animo Alejandro💪
Publiée par S. Atlética VAL MIÑOR sur Mercredi 17 juin 2020
Este luns 15 de xuño entran en vigor as medidas de prevención aprobadas pola Xunta para evitar a propagación da Covid-19 unha vez finalizado o estado de alarma. Lembremos que o virus segue aí e ata que dispoñamos de tratamentos eficaces é misión de todos mantelo baixo control. No que respecta ó ámbito deportivo, autorízanse os adestramentos en grupos de ata 25 persoas mantendo a distancia de seguridade. Nas instalacións deportivas hai que respectar as normas específicas, e no caso de competicións tamén. Como o uso das instalacións depende dos concellos, a directiva do club está pendente das autorizacións necesarias para que todos os atletas poidan retornar ós adestramentos. En canto sexa posible se informará a través dos grupos. Máis información:
Agora que xa empezamos a saborear algo de recuperada liberdade botamos a vista atrás para facer un retrato do confinamento. Neste caso é outro vídeo feito por profes e alumnos do IES Auga da Laxe co gallo do Día do Deporte na Casa, que nesta ocasión non puido sair á rúa. Aí o tedes (coñecedes a alguén?):
Quén dixo que é necesario un estadio olímpico para facer os Xogos? A continuación achegamos unha mostra de que con imaxinación o corredor de casa pode transformarse en pista de atletismo, piscina e ata pista de xeo (Vídeo feito pola profesora de educación física do IES Escolas Proval e a súa familia, grazas por compartilo!):
Esta semana ademáis do inicio da Fase 1 temos a novidade da eliminación das franxas horarias nos tres concellos do Val Miñor porque todos os núcleos de poboación teñen menos de 5000 habitantes. Tamén abren moitos establecementos e incluso o mercado de Sabarís. Desfrutade deste novo espazo de liberdade!
A partir do dia 2 de maio (e mentres dure o estado de alarma) estará permitida a actividade física indvidual e os paseos, para maiores de 14 anos, unha soa vez ó día e nas franxas horarias de 6-10h e 20-23h. Os paseos poderán realizarse ata 1km do domicilio e as actividades deportivas só teñen como límite o concello de residencia. Non poderá utilizarse un vehículo para desprazarse ata o punto donde se realice a actividade, polo que ten que ser en bici ou a pé. A actividade deberá ser continua ou coas mínimas paradas imprescindibles.
Como en toda normativa hai aspectos pouco claros ou discutibles (cal é a o límite entre deporte e paseo para unha persoa maior que non pode correr ou andar en bici? por qué en municipios de menos de 5000 habitantes non hai horarios, cando en Galicia a poboación é dispersa tanto en concellos grandes como pequenos?). Pero aproveitemos esta oportunidade para ir volvendo pouco a pouco á vida normal, iso sí, con sentidiño!
Estes días case todo o mundo está preocupado e nervioso pola pandemia de coronavirus, e un dos mellores remedios é manterse activos inda que sexa dentro de casa. Agora máis que nunca o deporte é sinónimo de saúde. Ai van uns cantos artigos e vídeos que nos manda Óscar. E outro artigo sobre cómo se vive o confinamento nos confíns de Gondomar. Tamén os atletas de RunGalicia ofrecen unha colección de vídeos diarios de adestramento para facer en casa, cada día un novo con conexión en directo desde facebook. E o noso colaborador de Fisioterapia Garabullo comunica que segue á nosa disposición (tomando as debidas precaucións). Cuidádevos moito e vémonos pronto!
(30-marzo) Desde o club pedimos que enviedes imaxes dos vosos adestramentos en casa para poñer nas nosas redes sociais (Facebook e Instagram). A continuación van os primeiros exemplos. Animádevos e participade!
O xornal El País publica un artigo titulado “Por qué no debes castigar a tu hijo sin deporte en época de exámenes” na súa edición do 24 de febreiro. As conclusións son as que xa coñecemos: mellora do rendemento físico e intelectual, aumenta a concentración, capacidade de traballo e autoestima, libera o estrés e ademáis se é en grupo tamén mellora as relacións sociais. Algo máis?
O vindeiro sábado 8 de febreiro ás 12h haberá unha reunión extraordinaria na sala de usos múltiples do Centro Neural de Gondomar (Policía Local) para presentar a nova equipación do club e explicar as novas condicións de uso. É importante a asistencia do maior número de socios posible. Pregamos puntualidade para poder tratar todos os temas e aclarar as dúbidas que xurdan. Grazas a todos,
A Directiva da S. A. Val Miñor
Achegamos información actualizada para a tempada 2020 sobre os seguros deportivos ós que poden ter dereito os atletas federados ou incluídos no programa Xogade (para rapac@s de 6 ata 16 anos). Tede en conta que a información máis actualizada estará sempre nas páxinas que indicamos a continuación, xa que as pólizas e compañías poden variar. Para o ano 2020 a compañía aseguradora da federación é Mapfre (tel. 918 366 224).
En caso de accidente é mellor dirixirse á directiva do club para coñecer os pasos a seguir, no caso da FGA o club dispón de partes de accidentes que hai que entregar nun prazo de 7 días para ter dereito á cobertura. No caso de Xogade hai que ter a man o carnet, precisaremos o identificador do atleta e na parte posterior está o resumo de pasos a seguir.
NOTA: se non temos a man o carnet Xogade, o identificador do atleta son as iniciais seguido da data de nacemento. Por exemplo, para o nome Xoán García Pérez con data 01/02/2003 sería XGP010203
Outras probas (especialmente as carreiras populares) teñen os seus propios procedementos de seguro polo que hai que consultar coa organización en cada caso. (máis…)
